1. Ինչպե՞ս կարող եմ ներկայացնել իմ գաղափարը:

Պետք է գրանցվել Կոլբա լաբի կայքում, ստանալ ձեր հաշվի ակտիվացման հղումը այն էլ-հասցեին, որը նշել եք գրանցվելուց: Այնուհետև կարող եք մուտք գործել կայք եւ հրապարակել ձեր գաղափարը՝ ի պատասխան հայտարարված մրցույթի:

Կոլբա լաբը խորհուրդ է տալիս՝ ուշադիր կարդալ մրցույթի նկարագիրը, փորփրել հասանելի նյութերը ու ներկայացնել ձեր միտքը:

 

2. Գաղափարս ներկայացնելուց հետո, ինչպե՞ս կարող եմ այն խմբագրել:

Առայժմ խմբագրելու ֆունկցիան ակտիվ չէ կայքում: Այդ պատճառով պետք է նամակ ուղարկել Idea@kolba.am հասցեին, թեմայի պատուհանում գրելով [EDIT IDEA]: Նամակում նշեք ձեր անունը, էլ-հասցեն, որով գրանցված եք կայքում և նշեք, թե ինչ փոփոխություններ եք ուզում անել ձեր պոստի մեջ:

 

3. Կա՞ մրցույթին մասնակցելու այլընտրանքային տարբերակ, եթե չեմ ուզում, որ իմ առաջարկը հրապարակված լինի  կայքում:

Idea@kolba.am հասցեին ուղարկվող նամակները հասանելի են միայն Կոլբա լաբի թիմին: Կարող եք ուղարկել ձեր գաղափարները այդ հասցեին, նշելով թեմայի մեջ [RANDOM SUBMISSION]:

Կոլբա լաբը հուշում է, բայց չի պարտադրում. հանրային քննարկումը կայքում կարող է նոր մտքեր հուշել ձեզ եւ կատարելագործել ձեր գաղափարը:

 

4. Ո՞վ կարող է ներկայացնել գաղափար:

Բոլորը: Դիմումները ընդունվում են անհատներից, ինչպես հասարակական, այնպես էլ մասնավոր կազմակերպություններից, նախաձեռնող խմբերից ու բոլորից, ով հետաքրքրվել է այս մրցույթով: Ոչ մի սահմանափակում չկա: Կարեւորը լինի իրոք նորարար միտք:

 

5. Կարող ե՞մ արդյոք ցանկացած նորարար մտքով դիմել այս մրցույթին:

Այո, եթե ձեր գաղափարը վերաբերում է Հայաստանի զարգացմանը: Դուք եք որոշում զարգացման որ ասպեկտին եք առավել ուշադրություն դարձնում՝ սոցիալական, բնապահպանական, տնտեսական թե քաղաքական:

Կոլբա լաբը խորհուրդ է տալիս. կարող է օգտակար լինել կարդալ, թե ինչ ծրագրեր է իրականացնում ՄԱԶԾ Հայաստանում:

 

6. Քանի՞ գաղափարներ կարող է ներկայացնել մեկ դիմորդը:

Անսահմանափակ: Մեկ դիմորդը կարող է ներկայացնել այնքան թվով գաղափարներ, որքան մուսան հուշի դիմորդին:

 

7. Ո՞վ է ընտրելու լավագույն գաղափարները:

Ընտրելու է մասնագիտական տեղական ու միջազգային ժյուրին: Ընտրության չափանիշներին կարող եք ծանոթանալ մեր կայքում:

Խնդրում ենք հիշել, որ իրար հետ մրցում են գաղափարները, ոչ թե դիմորդները:

 

8. Ինչպե՞ս կարող եմ ճշտել որոշ հարցեր՝մինչև մրցույթին դիմելը:

Դուք միշտ կարող եք գրել ձեր հարցերը մեր ֆեսյբուքյան էջին, գրել մեր էլ-հասցեին Idea@kolba.am և զանգահարել մեր գրասենյակ՝+37460 530000 224; +374 55 151678 (ցանկալի է աշխատանքային ժամերին): Սիրով կպատասխանենք ձեր հարցերին:

 

9. Ե՞րբ կիմանամ, որ իմ գաղափարը հայտնվել է լավագույնների մեջ:

Յուրաքանչյուր ամսվա վերջում մենք կուղարկենք ձեր գաղափարները ժյուրիին: Լավագույն գաղափարների հեղինակները կտեղեկացվեն մոտ երկու շաբաթ անց:

Ինչևէ, եթե ձեր գաղափարը չի հայտնվել հաղթողների ցուցակում, մենք կարող ենք խորհուրդ տալ այլ մրցույթներ կամ կազմակերպություններ, որոնք կարող են ձեզ աջակցել:

 

10. Ինչպիսի աջակցություն կարող եմ ակնկալել, եթե իմ գաղափարն անցել է եզրափակիչ փուլ:

Այն մասնակիցներն, ում գաղափարներն անցել են եզրափակիչ փուլ.

· կհրավիրվեն ծրագրերի դիզայնի հանդիպումներին,

· կստանան ծրագրերին հատուկ փորձագետային խորհրդատվություն

· կստանան «ստարտափ» աջակցություն ու ֆոնդահայթայթման խորհուրդներ ներկայացված ծրագիրը ավելի կայուն ու մասշտաբային դարձնելու նպատակով:

Ծրագրի ինկուբացիոն շրջանի ընթացքում մասնակիցները կծանոթանան տարբեր մեթոդների ու ինովացիոն գործիքների , որոնք կօգնեն փորձարկել գաղափարը  եւ ստեղծել արդյունավետ ու կայուն ծրագիր:

 

11.  Ո՞րն է լինելու իմ դերը՝ գաղափարս ծրագիր դառնալուն պես:

Կոլբա լաբի աջակցությամբ գաղափարի հեղինակը մասնակցում է գաղափարի ինկուբացիայի գործընթացին, որի ընթացքում կազմավորվում է թիմ, գաղափարը մշակվում է և դառնում ծրագիր կամ ռազմավարություն:

Հաշվի առնելով յուրաքանչյուր գաղափարի բնույթը և սպեցիֆիկան, գաղափարը կարող է դառնալ հասարակական նախաձեռնություն, ստարտափ ծրագիր ըստ որի Կոլբա լաբի թիմն ու մասնակիցը միասին են որոշում ինչպիսի մասնակցությունն է առավել արդյունավետ ծրագրի իրականացման համար: