2011-ից ի վեր

Ինչպե՞ս ընդլայնել հաղորդակցային կամ հետադարձ կապի ուղիներն ու միջոցները սովորողների եւ ուսուցիչների միջեւ: Կոլբա լաբը հայտարարել է կրթության բնագավառում առաջատար լուծումների վերաբերյալ գաղափարների հավաքագրման մրցույթ։ Նախատիպային լուծումները ներառում էին առցանց շախմատի դպրոցը, «Արվեստ» կրթական սեղանի խաղը եւ ոլորտային հետազոտությունների հարթակը։

Կոլբա լաբը Երեւանի քաղաքապետարանի, ՏՀՏ գործատուների միության եւ «Այրես զարգացման» հիմնադրամի հետ համատեղ Երեւանի քաղաքապետարանում կազմակերպեց իր տեսակի մեջ առաջին «Խելացի քաղաք» հաքաթոնը։ 24 ժամյա հաքաթոնի ընթացքում ավելի քան 90 մասնագետներ փորձեցին համատիրության կառավարման, աղբահավաքի եւ կյանքի որակին ուղղված լուծումներ մշակել։

Ինչպե՞ս կարող ենք առողջապահական ծառայությունները քաղաքացիներին առավել միտված դարձնել։ Կոլբա լաբը հայտարարել է նորարարական տեխնոլոգիական գաղափարների մրցույթ՝ ուղղված Հայաստանում առողջապահական հիմնախնդիրների լուծմանը: Նախատիպային լուծումներում ներառվել են աուտիզմով հիվանդ երեխաների համար բջջային հավելվածը, պետական սուբսիդավորմամբ առողջապահական ծառայությունների առցանց հաշվիչը, ինչպես նաեւ բժիշկներին եւ բուժառուներին միմյանց կապող հավելվածը:

Կոլբա լաբը նորարար գաղափարների մրցույթ էր հայտարարել՝ դիմագրավելու մեր սերնդի համար վճռորոշ՝ կլիմայի փոփոխության մարտահրավերը: Ներկայացվեցին օգտագործողի տեսանկյունից հարմար լուծումներ՝ աջակցելով վաղ  ազդարարման համակարգերի մշակմանը Հայաստանում, որոնց օգնությամբ հնարավոր կլինի արձագանքել ինչպես կարճաժամկետ (արագ զարգացող), այնպես էլ երկարաժամկետ բնույթի վտանգներին (դանդաղ զարգացող): Նախատիպային լուծումներից էր սենսորների բարձր խտության ցանցը, որը շրջակա միջավայրի մի շարք ցուցանիշների մեծ եւ բաց տվյալների աղբյուր կհանդիսանա (օդի / հողի խոնավություն եւ ջերմաստիճան, օդի ճնշում, աղմուկի, լույսի եւ այլն):

ՄԹ-ի NESTA կազմակերպության կողմից կազմակերպվել էր նախագծային մտածողությանը նվիրված առաջին աշխատաժողովը՝ ՄԱԶԾ-ի աշխատակիցների եւ շահագրգիռ կողմերի համար։ Մասնակիցները վերապատրաստվեցին օգտագործողների նկատմամբ կարեկցանքի ձեւավորման, հիմնախնդիրների սահմանման, հնարավորությունների ստեղծման նպատակով գաղափարների հղացման, ինչպես նաեւ լավագույն գաղափարների նախատիպերի մշակման եւ փորձարկման բնագավառներում։

Ավելին

Ակտիվ մասնակիցներ, ոգեշնչող ֆասիլիտատորներ, ֆանտաստիկ գաղափարներ, խանդավառություն, ուրախություն, կապերի հաստատում, եւ այս ամենը համահավաքված մեկ վայրում, որը կոչվում է «Մարդամեջ». ՍՆ ճամբարի reload։ Վեց թիմեր մրցում էին Մարդամեջի հակակոռուպցիոն ծրագրերի համար նախատեսված մրցանակների համար՝ մշակելով այնպիսի նախատիպային լուծումներ, ինչպիսիք են՝ Վիրտուալ արյան բանկը Հայաստանում եւ IMngo մանկապարտեզի հավելվածը։

Ավելին

Սոցիալական նորարարության ճամբարը միատեղում էր գաղափարներ, մարդկանց եւ թվային գործիքներ՝ իրական կյանքի սոցիալական հիմնախնդիրներին առցանց լուծումներ առաջարկելու նպատակով, ընդ որում՝ ընդամենը 48 ժամվա ընթացքում: Այս գաղափարները ձեռնոց են նետում ավանդական գիտելիքին եւ սոցիալական խնդիրների լուծման նոր, տեխնոլոգիական մոդելներ ստեղծում։ Նախատիպային լուծումների թվում են «Թաղինֆո՝ հիպերտեղայնացված նորությունների հարթակը» եւ I-like hորիզոնական ծառայությունները (peer to peer)։

Ավելին

Այնպիսի երկրներում, ինչպիսին Հայաստանն է, պետական ծառայության տիրույթում փորձագիտական հմտությունների չբացահայտված մեծ ներուժ կա։ Քաղաքացիների հետ կողք-կողքի փորձարարությամբ զբաղվելու նպատակով Վարչապետի գրասենյակում, Կրթության եւ Արդարադատության նախարարություննում կազմակերպվեց նորարար գաղափարների երեք փուլից բաղկացած մրցույթ։ Պետական ծառայողների կողմից առաջարկված գաղափարները ներառում էին քաղաքացիների հարցումների առցանց հարթակը, դպրոցի ընդունելության էլեկտրոնային  համակարգը եւ մասնագիտական կողմնորոշման հարթակ՝ գիտակրթական շրջանակը զբաղվածության շուկային կամրջելու նպատակով։

ՄԱԶԾ-ն հրավիրել էր ՄԹ-ում գործող «FutureGov» հայտնի գործակալությանը՝ պետական բյուրոկրատական համակարգից փոփոխության առաջամարտիկների համար գործնական սեմինար վարելու։ Արդարադատության, տարածքային կառավարման նախարարությունները, Վարչապետի աշխատակազմը եւ համայնքապետարանները ներկայացնող մասնակիցները տեղեկացան ծրագրերի համագործակցային մշակման գործընթացների կարեւորության մասին, կիրառեցին  էթնոգրաֆիկ հետազոտության մեթոդը, վերլուծական հետազոտությունները, ինչպես հաղորդակցվել եւ շփվել օգտատերերի հետ, գծագրել գաղափարներ, ինչպես նաեւ մշակված առաջարկները ու գաղափարները մոդելավորել (պրոտոտիպերի ստեղծում) եւ փորձարկել կառավարության իրական հիմնախնդիրների լուծման նպատակով:

Հանրությանը մատուցվող ծառայություններն ավանդաբար մշակվում են կառավարման վերին օղակներում։ Նորարար գաղափարների հավաքագրման մրցույթի միջոցով Կոլբա լաբը քաղաքացիներին հնարավորություն էր տալիս փոխել տեղական ինքնակառավարման մարմինների հետ հարաբերությունների որակը եւ նրանց հետ համատեղ վերաձեւել հանրային ծառայությունները։ Լուծումները ներառում էին համատիրությունների կառավարման նոր հարթակը, հասարակական տրանսպորտի առցանց քարտեզը եւ Գյումրի քաղաքում արեւային էներգիայով աշխատող բակային լուսավորությունը։

Կոլբա լաբը նորարարության երկօրյա լաբորատորիա կազմակերպեցին նորարար աշխատակիցների համար, նպատակ ունենալով օգնել պետական ծառայության նորարարներին՝ նոր գաղափարներ մշակել եւ փորձարկել։

2015 թվականի հոկտեմբերի 28-ին Մեքսիկո քաղաքում Բաց կառավարման գործընկերության գործընթացի համաշխարհային ֆորումը մեկնարկեց։ Հայաստանն առաջին անգամ մասնակցեց մրցույթին եւ Ասիական-խաղաղօվկիանոսյան տարածաշրջանի երկրների շրջանում ամենաբարձր մրցանակին արժանացավ։  Հայաստանը ներկայացրեց «Համայնքների կառավարմանն ու զարգացմանը միտված տեղեկատվական համակարգերի ստեղծում եւ ներդրում տարածաշրջանային կառավարման համակարգերում» նախաձեռնությունը: «Խելացի համայնք» («Խելացի համայնքապետարան») ծրագիրը կոչված է բարձրացնելու Հայաստանի տեղական ինքնակառավարման մարմինների գործունեության արդյունավետությունը եւ բարելավելու հանրային ծառայությունները՝ հիմնվելով բաց կառավարման սկզբունքների վրա:

Գեղարքունիքի մարզում փորձագետների մասնակցությամբ տեղի ունեցավ մոդելավորման դասընթաց, որի նպատակն էր կանխատեսել եւ պատրաստվել աշխատաշուկայի հետագա փոփոխություններին։ Տարածաշրջանի համար ընտրված թեման գյուղատնտեսությունն էր, որն իր մեջ մի շարք այլ բնագավառներ է ներառում։ Արդյունավետ քննարկումներին հաջորդեց մարզի ապագայի վերաբերյալ մի շարք սցենարների մշակումը։

«Ապագայի հմտություններ եւ աշխատատեղեր» ծրագրի շրջանակում 4 թիրախ ոլորտներում մոդելավորման դասընթացներ կազմակերպեցինք։ Շիրակի մարզում իրականացվեց ստեղծարար ոլորտների մոդելավորում։ Այս ոլորտներում աշխատաշուկայի հետագա փոփոխությունների քննարկման նպատակով մեկ հարկի տակ էինք հրավիրել ավելի քան 60 ստեղծարար անձանց, որոնց առաջարկած մի շարք գաղափարներն ու առաջարկներն ապագայի հմտությունների զարգացմանն ուղղված աշխատանքների պլանավորման ուղեցույց կդառնան։

Ստեղծարար խաղը, որի հիմնադիր ռուս փիլիսոփա Գեորգի Շեդրովիցկին անվանել է «մտագործունեության համակարգված մեթոդաբանություն», շահագրգիռ կողմերի եւ փորձագետների մասնակցությամբ համատեղ սցենարների մշակման վարժանք է, որն ուղղված է տվյալ խնդրի վերլուծությանը եւ ստեղծարար լուծումներ գտնելուն։ Մեկ հարկի ներքո հավաքված 60 փորձագետներ եւ ստրատեգներ կոռուպցիայի հիմնախնդրի լուծումներ էին որոնում, ինչպես նաեւ պայքարի այլընտրանքային սցենարների գաղափարներ մտմտում։