Կոլբան

ԿԵՐՏԵԼՈՎ ԱՊԱԳԱՆ

Եթե նույնիսկ ապագան այնքան էլ պարզ չէ, դեռ չի նշանակում, որ մենք չենք կարող մոդելավորել այն: Բնապահպանական, սոցիալական և քաղաքական մարտահրավերների այս շրջանում անտարբերությունը լուծում չէ. ռիսկերը շատ բարձր են, որպեսզի սպասենք և տեսնենք, թե ինչ կկատարվի։

Յուրաքանչյուր օր քայլեր կատարելով՝ մենք պետք է լինենք այն ակտիվ քաղաքացիները, ովքեր կկառուցեն այն ապագան, որը մենք ցանկանում ենք տեսնել թե՛ Հայաստանում, և թե՛ ամենուր։ Այս ամենը համայնքային զարգացման մեր խորը նվիրվածության հետ միասին նկարագրում է Կոլբա Լաբի առաքելությունը։

Մեր մոտեցման հիմնաքարերն են համարվում ապագայի հետազոտությունները և սցենարների համատեղ կառուցումը։ Կոլբա Լաբը իր հայացքը առաջ է հառել, որպեսզի զարգացող աշխարհում կառավարական նորարարության և սոցիալական փոփոխությունների վերաբերյալ վճռական հարցեր ուղղի: Իրար կապելով խելացի անհատներին և կառավարության մասնագետներին՝ մենք ոգեկոչում ենք ստեղծարարություն, ստեղծում նոր գաղափարներ և ուսումնասիրում, թե ինչպիսի մտավոր կարողության կարիք կունենա ավելի լավ ու անաչառ ապագան։

21-րդ դարը կարող է լինել նոր դարաշրջան՝ սոցիալական փոփոխության, ինչպես նաև մտքի, տեխնոլոգիաների, կառավարման և քաղաքացիական ակտիվության ստեղծարար զարգացման ոլորտում։  Միացի՛ր Կոլբա Լաբի աճող համայնքին և օգնի՛ր Հայաստանի և աշխարհի համար ստեղծել ավելի լավ ապագա։

ՄԵՐ ՊԱՏՄՈՒԹՅՈՒՆԸ

ՄԱԿ-ի Զարգացման ծրագրի և Եվրոպական Միության հետ համատեղ, Կոլբա Լաբը ստեղծվեց որպես սոցիալ-նորարարական ինկուբատոր: Առաջին իսկ օրվանից մեր նպատակն է եղել տեղական համայնքի հետ միասին հավաքագրել մարդակենտրոն լուծումները, քանի որ մենք հավատում ենք, որ ճիշտ տեսակի փոփոխությունները ընթանում են ներքևիից վերև սկզբունքով: Այժմ, երբ մենք ապագայի վրա հիմնված լաբորատորիա ենք, մարդկանց մասնակցությունը կազմում է մեր աշխատանքի բաղկացուցիչ մասը։ Համախմբելով մտածողներին, իրագործողներին և երազողներին՝ մենք  ստեղծում ենք այն տեսլականը, թե ինչպիսին կարող է լինել մեր երկիրը այսօր, ինչպես նաև երեսուն տարի անց: