ԹՈՒՄՈ ստեղծարար տեխնոլոգիաների կենտրոն
Ուրախ ենք տեղեկացնել ևս մեկ մեծ իրադարձության մասին, որը հնարավոր դարձավ իրագործել շնորհիվ ԹՈՒՄՈ ստեղծարար տեխնոլոգիաների կենտրոնի, ԵՄ-Արևելյան Գործընկերության մշակույթ և ստեղծարարություն ծրագրի ու Պեչա-Կուչա Երևան թիմի համատեղ ջանքերով:
Հրավիրում ենք Ձեզ մասնակցել միջոցառմանը, ուր կբացահայտենք, թե ինչպես է միջավայրը փոխում մարդկանց վարքը, ինչն է ազդում տարածքի մեր ընկալումների վրա և կարող ե՞նք արդյոք հանրային տարածքների ազդեցության շնորհիվ միմյան հետ համագործակցության նոր ձևեր ստեղծել:
Հրավիրված տեղական և միջազգային ճարտարապետների, քաղաքաշինական նախագծողների և գործարարների օգնությամբ կուսումնասիրենք և կիմանանք ավելին հետևյալ թեմաների մասին՝ տարածքը տարածության մեջ, մասնավորն ընդդեմ հանրայինի, բնակարանային խնդիրներ, մեծ տվյալների կարևորությունը ճարտարապետների համար, խորհրդային մոդեռնիզմի վերափոխումը Սևանում, «Ֆաբրիկա Թբիլիսի»-ի անհնազանդ երազանքը, հետպատերազմյան Բեյրութի քաղաքային հոգեբանություն և Եվրոպայի անկախ մշակութային կենտրոնների նախագծում:
Առաջիկա կայանալիք Պեչա Կուչա Երևան ֆորումի թեման է “The Space Case”, ներկայացումների ձևաչափն է 20 սլայդ x 20 վայրկյանում: Ելույթների մեծ մասը լինելու է անգլերեն:
Ստորև կարող եք ծանոթանալ միջոցառման խոսնակներին.
– Պիտեր Լեննի «Մշակութային կենտրոնների ձևավորման ձեռնարկ»
– Ռոբերտ Բլոսկոն «Ազատություն և պատասխանատվություն»
– Վրեժ Հարությունյան «Տիրույթ և տեղ. բազմաշերտ ստեղծագործական մոտեցում»
– Արին Հովսեփյան «Բեյրութի կենտրոնական թաղամաս` flânerie-ից մինչև լուսանկարչություն »
– Աշոտ Սնխչյան «Մեծ տվյալներ և հանրային տարածքների ընկալում»
– Մերուժան Մինասյան «Ես-ից դեպի մենք»
*** ԳԻՆՈՒ ԸՆԴՄԻՋՈՒՄ***
– Դևի Կիտաշվիլի և Գոգիկո Սակվարելիձե «Ֆաբրիկա – անհնազանդ երազ»
– Սարհատ Պետրոսյան «Սևան գրողների առողջարան – ստեղծագործական և հասարակական տարածություն»
– Գայանե Մանուկյան «Երևան 2:0, Ինչպես փոփոխություն բերել»
– Դանիել Ռումյան «Հետ բերելով մեր քաղաքները. անդրադարձ տարածքի օրգանական օգտագործմանը»
– Կարինե Արոյան և Մանուշակ Վահրամյան «Հանրային տարածքների (հեղա)շրջում»
– Արմեն Շատվորսյան «Ֆեն-Շույ. բազմակողմանի ճարտարապետություն»
Մուտքը 20:20-ից՝ սուրճի և թեյի հյուրասիրությամբ:
ՄԻՋՈՑԱՌՄԱՆ ՍԿԻԶԲ 20:45:
Կարող եք միանալ միջոցառմանը այստեղ: